Седумтемина македонски државјани кои беа во хотел во близина на селото и манастирот Бањска во Косово, каде се случи оружениот инцидент со најмалку четиримина загинати – еден косовски полицаец и најмалку тројца припадници на вооружената група што влегла во манастирот, утрово под придружба на косовската полиција се враќаат дома.
Информацијата ја соопшти македонскиот министер за надворешни работи Бујар Османи преку својот профил на социјалните мрежи.
„По извршеното вообичаено интервју и анализа од страна на полицијата на Република Косово, утрово нашите државјани безбедно се упатени кон дома, придружувани од косовската полиција. Околностите во кои тие се најдоа беа сложени, имајќи предвид дека беа сместени во хотел, во непосредна близина каде што се случи вооружениот напад врз полицијата“, појасни Османи.
Тој вели дека во целиот процес косовските служби ја гарантирале безбедноста на нашите државјани, а нашата амбасада во Приштина била во постојан контакт со нив.
Ден на жалост во Косово, цел арсенал оружје најден во манастирот кај Бањска [фото]
