fbpx

Предлогот за прием на Косово во Советот на Европа усвоен во Парламентарното собрание

Од листата на гласање може да се види дека меѓу пратениците што дале поддршка за извештајот се и двајца претставници од Македонија при Советот на Европа, Дарко Каевски од СДСМ и Арта Билали-Зендели од ДУИ

-

Македонските пратеници во парламентарното собрание на Советот на Европа (ПССЕ) се изјасниле позитивно во усвојувањето на нацрт-извештајот со кој се препорачува да се одобри Косово да стане членка на оваа организација.

Од листата на гласање може да се види дека меѓу пратениците што дале поддршка за извештајот се и двајца претставници од Македонија при Советот на Европа, Дарко Каевски од СДСМ и Арта Билали-Зендели од ДУИ.

Од 29 претставници во Парламентарното собрание на Советот на Европа кои гласаа против препораката за членство на Косово во Советот на Европа, осум се од Шпанија, јави Радио телевизија на Србија. Покрај претставниците од Шпанија, против членството на Приштина во Советот на Европа гласале и четворица претставници од Унгарија, двајца од Кипар, а само еден од петте претставници на Грција гласал против. Против гласал и еден пратеник од Германија, двајца пратеници од Франција и еден од Италија.

По денешното усвојување на извештајот, Парламентарното собрание на Советот на Европа сега треба да го испрати предлогот за прием на Косово до Комитетот на министри за надворешни работи, кој треба да ја донесе конечната одлука со двотретинско мнозинство.Состанокот на Комитетот на министри треба да се одржи на 16 и 17 мај во Стразбур.

За прием на Косово во Советот на Европа гласале 131 од присутните 171 член на ПС СЕ, 29 биле против, а 11 воздржани.

Косово ја поднесе својата кандидатура за членство пред две години, а таа беше прифатена на седницата во април лани.

Србија бурно реагираше на идејата Косово да влезе во Советот на Европа, а предлагачот Дора Бакојани ја обвинија за лицемерие.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Превртени кошеви и искршени седишта – институциите си префрлаат вина за руинираната спортска сала на УКИМ

Уште во далечната 2006 година на студентите при Универзитетот Св. Кирил и Методиј (УКИМ) им беше ветена најмодерна спортска сала, која дури по 11 години - во 2017, се...