Руските сили го зазедоа селото Семенивка во украинската област Доњецк, соопшти денеска руското Министерство за одбрана, пренесе „Гардијан“.
Вчера министерството го објави заземањето на Новобахмутивка, друго село блиску до Очеретина, кое стана централно место на борбите во последниве денови.
Во меѓувреме, украинскиот министер за земјоделство го поздрави завршувањето на повеќемесечната гранична блокада од полските демонстранти, за која рече дека следела по продуктивните разговори со Полска.
„Преговорите што се одржаа не беа лесни, но главната работа е што имаме резултат“, рече министерот Микола Солски во изјава.