Пратеничката група на СДСМ до Собранието поднела информација за загадувањето на воздухот за која пратениците треба да дебатираат, рече пратеникот Стефан Богоев од СДСМ на дебатата „Каков воздух ќе дише Скопје оваа зима?“ во организација на граѓанската асоцијација „Мост“.
– Денеска како пратеничка група до Собранието поднесовме информација за загадување на амбиенталниот воздух во Македонија. На првата наредна собраниска седница, која би требало да биде следната недела, ќе се отвори општа јавна расправа за загадувањето – рече Богоев.
Тој на еколошките здруженија им рече дека опозицијата е отворена за нивните предлози, идеи и иницијативи за намалување на загадувањето на амбиенталниот воздух до опозицијата.