Бројот на загинати во силните поплави што го зафатија јужниот дел на Бразил се искачи на 107, соопшти вчера цивилната одбрана, пренесува „Ројтерс“. Спасувачките операции продолжиле, а властите почнале да ги согледуваат штетите предизвикани од поплавите.
Синоптичарите предвидуваат нови врнежи во наредните денови, а тоа ги зголемува стравувањата дека нивото на водата дополнително ќе се зголеми во главниот град на поплавената покраина Порто Алегре, во кој улиците се претворени во реки.
Најмалку 136 лица се водат како исчезнати, а повеќе од 165.000 се раселени од поплавените домови и спасени со чамци и хеликоптери.
Поплавите уништија инфраструктура и мостови, го блокираа пристапот до Порто Алегре, каде полиците на супермаркетите се празни.
