fbpx

Украинци нападнаа автобуси со сонародници евакуирани од Кина

-

Украинци евакуирани од кинескиот град Вухан вчеравечер биле „пречекани“ од револтирани жители со дожд од камења во градот Нови Санжари, во регионот Полтава во централна Украина, јавија светските новински агенции.

Вкупно 45 Украинци и 27 странски државјани претходно вчера биле евакуирани со авион од кинескиот град Вухан, центарот на епидемијата на новиот корона вирус, и биле првин пренесени во украинскиот град Харкив, а оттаму со шест автобуси биле однесени во бањата во Нови Санжари, каде треба да минат 14 дена во карантин.

Локалните жители, кои имале запалено огнови, почнале да фрлаат камења по автобусите кога тие пристигнале а имало и обиди за поголемо насилство . Интервенирале специјални полициски сили со оклопни транспортери и сега ситуацијата е смирена.

Украинската служба за безбедност ги истражува околностите на лажен мејл од Министерството за здравство кој велел дека некои од евакураните се заразени и смета дека оваа измама повлијаела да грдиот инцидент во Нови Санжари.

Тројца Украинци и еден жител на Казахстан вчера не биле пренесени од Кина во Украина, бидејќи имале симптоми на новиот корона вирус.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК: Jавен увид и промени во избирачкиот список може да се прават до вечерва на полноќ

Апелираме до граѓаните дека јавниот увид во Избирачкиот список како и промена, запишување и бришење на податоци ќе може да се направи уште денес, 18 март, до 24 часот, соопшти...