Тоа што Путин испратил барање до НАТО да не се проширува кое било одбиено, односно таков драфт договор не бил потпишан од страна на НАТО, не ја префрла воената одговорност врз НАТО. Столтенберг, наспроти изнесеното во објавата, не признава дека НАТО можел да ја спречи војната со ставање крај на проширувањето, туку во видеото кажува дека тоа е неприфатливо, пишува „Вистиномер“ во својата анализа.
Текстот подолу го пренесуваме во целост:
Рецензираме објава на социјалната мрежа Фејсбук во која пишува:
Картите се отворени: Одлуката за војна или мир во Украина била во рацете на Америка и НАТО. Генералниот секретар на НАТО Јенс Столтенберг потврди дека Русија ја нападна Украина за да го спречи експанзионизмот на НАТО. Исто така, Столтенберг признава дека НАТО можеше да ја спречи војната со ставање крај на проширувањето на НАТО и почитувањето на Основачкиот акт НАТО-Русија од 1997 година. Дали со ова Америка се подготвува за мировен договор Путин/Бајден со Русија, нова ЈАЛТА и поделба на ЕУ, НАТО во границите од пред 1991 година имајќи ја предвид минатогодишната изјава на Столтенберг: Ако Украина изгуби, ние ќе изгубиме многу. Прашање е кои се тие ,„ние“.
Го доби спротивното. Доби поголемо присуство на НАТО во источниот дел од алијансата и Финска се приклучи на Алијансата, а Шведска наскоро ќе биде целосен член. Ова е добро за нордиските земји, за Финска и Шведска и добро е за НАТО и демонстрира дека кога претседателот Путин изврши инвазија на европска држава за да го превенира НАТО, го добива токму спротивниот резултат, вели Столтенберг.
Значи, наспроти изнесеното во постот кој го рецензираме, одлуката за војна или мир во Украина не била во рацете на НАТО и на Америка, туку во рацете на Русија, која ја почна воената инвазија врз суверена и демократска држава, без никаква провокација. Тоа што Путин испратил барање до НАТО да не се проширува кое било одбиено, односно таков драфт договор не бил потпишан од страна на НАТО, не ја префрла воената одговорност врз НАТО. Столтенберг, наспроти изнесеното во објавата, не признава дека НАТО можел да ја спречи војната со ставање крај на проширувањето, туку во видеото кажува дека тоа е неприфатливо.
Проширувањето на НАТО не било разговарано меѓу САД и СССР во 1989 г.
Не постои никаков пишан документ според кој што НАТО не би требало во иднина да се проширува, а секоја држава вклучително и Украина има право суверено да одлучува за својата иднина, вклучително и кон кого ќе се приклони во меѓународната политика. Проверувачите на факти од Политифакт уште на почетокот на 2022 г. го проверуваа ова и со факти дојдоа до сознание дека не само што ниту еден правен договор не му забранува на НАТО да се шири кон Исток, туку и дека не постои согласност околу учесниците од тоа време дека се разговорало на таа тема помеѓу највисоките американски и гермнаски претставници и последниот претседател на Советскиот Сојуз Михаил Горбачов. Поточно, повеќе извори тврдат дека се разговарло само за обединета Германија како членка на НАТО.
Темата за експанзија на НАТО не беше дискутирана воопшто, ниту, пак, беше тема во тие години. Ова го тврдам со целосна одговорност. Ниту една земја од источна Европа не го покрена ова прашање дури и кога Варшавскиот пакт престана да постои во 1991. Западните лидери, исто така, не разговараа за ова, вели Горбачов, пишува на сајтот на НАТО.
Транскрипти од Белата Куќа кои се декласифицирани, исто така, потврдуваат дека во 1997 година, Бил Клинтон константно го одбивал предлогот на Борис Јелцин за џентлменски договор дека ниедна поранешна советска република нема да влезе во НАТО.
Не можам да се обврзувам во име на НАТО, и нема да се ставам во позиција да ставам вето на НАТО експанзија со почит кон било која држава, а уште помалку на друг да му го дозволам тоа. НАТО работи со консензус, рекол Клинтон.
НАТО не ја почна војната, ниту има свои војски во Украина
