Британскиот премиер Дејвид Камерон ќе им одобри на своите министри да водат кампања за излегување од Европска унија на претстојниот референдум, објави „Би-Би-Си“, не наведувајќи ги изворите.
Камерон бара нови преговори за нови услови за членството на Велика Британија во ЕУ, тврдејќи дека сака да останат во реформиран европски блок. Сепак, како што вели, не може ништо доколку не се постигне договор за клучните промени за членството во ЕУ.
Неколку министри од кабинетот на Камерон се особено критични кон ЕУ и постоеја шпекулации дека поради тоа ќе мора да поднесат оставка, ако сакаат да водат кампања за излез на Британија од ЕУ.
„Би-Би-Си“ објави дека Камерон ќе им дозволи на своите министри да водат кампања во кој било правец, откако ќе биде постигнат договор за односите на Британија со ЕУ.
