Во големиот број вести објавени вчера, па и денеска, во бугарските медиуми за вчерашните тест-летови на грчки воени авиони – ловци на небото над Македонија, заради испитување на комуникациите и радарското покривање, речиси сите без еден ги пренесоа коректно фактите и во насловите и во текстовите.Сите напоменуваа дека станува збор за подготовки за заштита на небото над Македонија како идна полноправна членка на НАТО.

Исклучок, со суштинска грешка во насловот, имаше кај „Медиапул“, кој е еден од посериозните онлајн-медиуми во Бугарија. За жал, иако во текстот коректно ги изнесоа фактите според новинарските стандарди, со насловот „Грција ја почна заштитата на воздушниот простор над Северна Македонија“ креираа дезинформација – дека НАТО веќе почнал со летови заради заштита, што е неточно.