Регулаторна комисија за енергетика донесе одлука да се зголемат цените на бензините за половина денар, а на дизелот цената останува со иста.
Од ноќеска на полноќ, новата цена на „еуросупер БС-95“ ќе изнесува 60 денари за литар, а на „еуросупер БС-98“ ќе се продава по цена од 62 денари за литар.
Малопродажната цена на Мазутот М-1 НС се зголемува за 0,251 ден/кг и ќе изнесува 26,531 ден/кг, додека екстра-лесното масло за горење од ноќеска на полноќ ќе се продава за 51,50 денари за литар.
Со оваа одлука, малопродажните цени на нафтените деривати од 1 септември се зголемуваат во просек за 0,52 проценти во однос на минатонеделната одлука.