fbpx

Одложен тридневниот штрајк на грчката железница

-

Грчките железничари одлучија да го одложат најавениот тридневен штрајк, кој почна денеска. Штрајкот кој требаше да трае до среда на полноќ, ќе се одвива само денеска, а од утре ќе се нормализираат патничкиот и товарниот железнички сообраќај во државата.

Одлуката за одложување на штрајкот ја донесоа двата синдикати на вработените во грчката железница по денешната средба со претставници на Фондот за приватизација. За четврток е најавена нова средба со претставниците на Фондот, а синдикатите в петок ќе одлучат кои ќе бидат нивните следни чекори.

На денешниот состанок вработените биле известени дека грчката железница ќе премине во рацете на италијанската државна железница кон крајот на годинава.

Вработените реагираат против продажбата на грчката државна компанија за 45 милиони евра на италијанската железница и бараат да потпишат колективни договори со кои ќе имаат загарантирани подобри работнички права и ќе бидат заштитени од отпуштање.

Грчката железница штрајкува речиси еден месец. Штрајкот почна со тридневни прекини на работата секоја недела, а ескалираше со 12-дневен штрајк минатата недела.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Народната банка додели награди на млади истражувачи од областа на макроекономијата и банкарството

Народната банка, на денот на монетарната независност, 26 април, ја одржа годишната свеченост за доделување на наградата на млади истражувачи од областа на макроекономијата и банкарството. Овогодинешниот победник беше Никита...