fbpx

Грчки „Катимерини“: Преспанскиот договор оспорен во предизборната дебата во Северна Македонија

Весникот пишува дека за време на телевизиска дебата пред парламентарните избори што се очекуваат на 8 мај, лидерот на владејачката СДСМ Димитар Ковачевски изрази загриженост поради одбивањето на лидерот на десничарската ВМРО-ДПМНЕ, Христијан Мицкоски, да го користи уставното име на земјата

-

Изборната кампања за претстојните претседателски и парламентарни избори во државата предизвика интерес и во грчката јавност, најмногу поради изјавите на лидерот на опозициската ВМРО-ДПМНЕ, Христијан Мицкоски, околу Преспанскиот договор и името на земјата.

Онлајн изданието на грчкиот весник „Катимерини“ пишува дека лидерот на најголемата опозициска партија во Северна Македонија изјави оти, доколку биде избран за пример, тој ќе ја нарекува земјата единствено „Македонија“, без оглед на Договорот од Преспа од 2018 година со кој се реши спорот за името со Грција.

Весникот пишува дека за време на телевизиска дебата во средата, пред парламентарните избори што се очекуваат на 8 мај, лидерот на владејачката СДСМ Димитар Ковачевски изрази загриженост поради одбивањето на лидерот на десничарската ВМРО-ДПМНЕ, Христијан Мицкоски, да го користи уставното име на земјата.

„Ковачевски рече дека ова одбивање може да предизвика проблеми со Договорот од Преспа од 2018 година, кој, со поддршка на ОН, го смени името на поранешната југословенска Република Македонија во Северна Македонија“, пишува „Катимерини“.

„За мене Македонија е и ќе остане Македонија. Моите предци би биле горди на мене за она што го правам за мојот народ и за мојата земја“, го цитира весникот Мицкоски.

Зборувајќи за европската перспектива на земјава, во дебатата на Канал 5 Телевизија, Ковачевски рече дека ставовите на Мицкоски за уставното име на државата во иднина може да предизвикаат проблеми со Преспанскиот договор. Мицкоски одговори дека името на државата за него „секогаш ќе остане само Македонија“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Професионални спортисти од девет земји гости на спортските игри во Велес

Од 4 до 8 јуни, Велес ќе биде домаќин на третиот по ред спортски настан „Спортски игри Велес“, кој ќе се одржи во Градскиот парк. Покрај спортисти од Македонија,...