Бугарскиот претседател, Росен Плевналиев, во телефонски разговор со претседателот на Македонија, Ѓорге Иванов, изразил загриженост за случувањата во Скопје и надеж за намалување на тензиите.
„Како добар сосед и во својство на претседател на Процесот за соработка на Југоисточна Европа, Бугарија е подготвена да соработува за наоѓање решение“, истакнал Плевналиев за време на разговорот.
Решението, според него, е во дијалогот, во почитување на правилата, на принципот на владеење на правото и на Уставот.
