!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

НАСА: На Марс е пронајдена вода во течна состојба


Вашингтон, 28 септември, 2015 - 19:34 (META) 

По многу години шпекулации и озборувања, НАСА официјално објави дека на црвената планета е откриена течна вода.

Научниците откриле дека на Марс постојат кањони и кратер од ѕидови на кои за време на летните месеци тече солена вода. Ова значи дека шансите за наоѓање некој облик на живот на оваа планета се многу поголеми од порано.

Тие на сателитска снимка забележале долга темна патека која ја остава водата по планините на Марс. На снимката е воочливо како горниот дел на планетата е потемен од долниот, а научниците откриле дека тоа е затоа што водата во текот на летните месеци се слива по планината, додека наесен и зиме планината е сува. Разликата во темната и светлата боја на дното на планината, всушност, е точката по која течела вода.

НАСА на почетокот на годината објави дека Марс во далечното минато веројатно имал големо море слично на Атланскиот Океан, но со тек на времето 87 отсто од водата испарила во вселената.


НАСА распиша конкурс за изградба на населба на Марс


Вашингтон, 29 мај, 2015 - 12:52 (META) 

Американската вселенска агенција (НАСА) распиша конкурс за да биде сигурна дека идните жители на земјиниот сателит и на црвената планета ќе имаат покрив над глава.

Проектот 3ДПХаб, кој е во рамките на програмата „Предизвици на векот“ на НАСА, предвидува развој на технологија за изградба на дом надвор од нашата планета, со користење локални ресурси и материјали кои може да бидат рециклирани. Целта е привремена изградба на домови за колонистите, кои еден ден ќе се населат на Месечината и на Марс.

Во првата фаза од конкурсот, кој ќе биде отворен до 15 јули, од заинтересираните кандидати се бара да замислат реалистични архитектонски решенија во три димензии, а победникот на конкурсот ќе добие чек од 50.000 американски долари.

Втората етапа, во која победникот ќе добие 1,1 милиони долари, ќе биде посветена на технологиите за 3Д-печатење и технологиите за комбинирање увозни и локални материјали, додека во третата фаза ќе се стави акцент на изградбата на градби со помош на наведените технологии.


Јапонија планира мисија на Месечината


Токио, 20 април, 2015 - 18:17 (META) 

Јапонија планира да покрене беспилотна мисија на Месечината, која треба да биде првиот чекор кон идните посети на Марс, најавија претставниците на Јапонската вселенска агенција.

Агенцијата го претстави планот за месечевата сонда на владата и на министерството за образование, наука и технологија.

Доколку акцијата биде успешна, Јапонија ќе стане четвртата земја што испратила беспилотно летално на Месечината, по Русија, САД и по Кина.

Планирано е мисијата да почне во април 2018 година, а проценето е дека ќе чини 15 милијарди јени (126 милиони долари). Ресорното министерство наредната година ќе побара буџет за програмата.


Полетува бродот што ќе носи луѓе на Марс


Кејп Каневерал, 4 декември, 2014 - 15:52 (META) 

НАСА-програмата што испраќа човечки екипаж на Марс денеска влезе во нова фаза!

Пробното лансирање на пропулзиониот систем (ракетен систем „Делта 4“) кој го носи вселенскиот брод „Орион“ е во тек! Системот треба да биде лансиран од лансирачката рампа во Флорида.

Бродот „Орион“ го дизајнираше компанијата „Локид Мартин“, а ќе мине 4-5 часа во орбитата, кружејќи 5.800 километри над земјата. Бродот лета без екипаж.

По тестирањата во земјината орбита, „Орион“ ќе „падне“ на Земјата со брзина од 32.190 км/час. Тогаш ќе биде тестиран бродскиот топлински штит и 11 падобрани.

Гледајте го лансирањето во живо.

Вака изгледа програмата што НАСА ја осмисли за вселенскиот брод „Орион“.