!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

39 лица загинаа, а ранети се 69 при терористички напад во ноќен клуб во Истанбул


       
Истанбул, 1 јануари, 2017 - 9:17 (META) 

Во вооружен напад во популарен ноќен клуб во Истанбул за време на дочекот на Нова година, убиени се 39 лица, меѓу кои имало и 16 странци, јавуваат медиумите.

Како што јави „Си-ен-ен Турк“, напаѓачот бил облечен како Дедо Мраз и во клубот „Реина“ го извршил нападот, при што ранил 69 лица.

Според локалните власти, се работи за терористички напад.

Во моментот на нападот во клубот имало помеѓу 700 и 800 лица.

Инаку клубот „Реина“ е познато место каде што излегуваат актери, фудбалери, а според очевидците, при нападот некои од нив скокале во море.