fbpx

Иран со дронови го нападна Израел

Американскиот претседател Џо Бајден ќе се врати рано во Вашингтон од Делавер за да разговара со неговиот тим за национална безбедност, еден ден откако изјави дека очекува ирански напад врз Израел

-

Портпаролот на израелските одбранбени сили Даниел Хагари потврди дека Иранците испратиле беспилотни летала кон Израел и дека израелската држава е подготвена на сè. Во меѓувреме, американскиот претседател Џо Бајден ќе се врати рано во Вашингтон од Делавер за да разговара со неговиот тим за национална безбедност, еден ден откако изјави дека очекува ирански напад врз Израел, ја пренесуваат светските новински агенции оваа ударна вест.

Во јавното обраќање Хагари ги предупреди граѓаните кога ќе слушнат сирени да одат во прифатилиштата и таму да чекаат дополнителни информации, како и да се информираат исклучиво преку официјални канали. Хагари рече дека е потребно извесно време за беспилотните летала да стигнат до Израел, но дека нема потреба од паника.

„Во последните денови ги зајакнавме нашите одбранбени и офанзивни редови и решени сме да ги преземеме сите неопходни мерки за одбрана на граѓаните на државата Израел“, рече министерот за одбрана Јоав Галант, додавајќи дека внимателно го следат планираниот напад од Иран.

Тој додаде дека ги подобриле своите способности на копно, море и воздух, како и во управувањето со разузнавањето заедно со партнерите, предводени од САД. Тој го нарече Иран терористичка држава и ѝ порача на јавноста да ги следи упатствата.

Воените тензии на Блискиот Исток се зголемуваат по израелскиот воздушен напад врз комплексот на иранската амбасада во сирискиот главен град Дамаск на почетокот на април. Иранското државно раководство се закани со одмазда. Поради ова, израелскиот министер за надворешни работи Израел Кац ја одложи посетата на Австрија и Унгарија планирана за утре, недела.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Хеликоптер во кој патувал иранскиот претседател претрпи „тешко слетување“

Хеликоптер со иранскиот претседател Ебрахим Раиши претрпел „тешко слетување“, пишува Би-би-си. Министерот за внатрешни работи кажува дека спасувачите сé уште се обидуваат да стигнат до местото на несреќата поради тешките...