Социјалдемократската младина на Македонија побара од ректорот на УКИМ, Велимир Стојковски, и од градоначалникот на Град Скопје, Коце Трајановски, веднаш да си поднесат оставки.
– Трајановски подмолно, среде ноќ, исече 47 децениски дрвја во кампусот на УКИМ, затоа што знаеше дека тоа нема да смее да го направи преку ден. Трајановски направи упад во просторот и во автономијата на Универзитетот. Со тоа дополнително го загрози и здравјето на студентите. Ректорот Велимир Стојковски го дозволи тоа – вели Ана Манасиева, член на извршниот одобор на СДММ.
Од СДММ обвинуваат дека грижата на ректорот Стојковски не се интересите на студентите, а на градоначалниот Трајковски не се интересите на граѓаните, нивното здравје и зеленилото.
– Трајановски и Стојковски се слепи послушници на Никола Груевски, кој заедно со фамилијата профитира од барокните тендер-политики. Студентите велат збогум на Стојковски и на Трајановски. Збогум на Груевски и на неговото друштво – додава Манасиева.
