Во последните три дена биле направени 953 тестови за ковид, од кои позитивни биле 80, информира Министерството за здравство. Од вкупниот број позитивни, регистрирани се 18 реинфекции, а исто така регистрирани сe и 118 оздравени пациенти.
„Во текот на изминатите три дена (14.10 – 18.10) пријавени се две починати лица од Скопје (80г) и Гостивар (70г). Двете лица се починати во болнички услови. Согласно Регистарот на умрени лица со дијагноза ковид-19 од „Мој Термин“, не се пријавени починати лица“, соопштуваат во министерството.
Досега во земјата се направени вкупно 2.177.159 тестирање на ковид-19. Вкупната бројка на дијагностицирани лица во нашата земја од почетокот на епидемијата изнесува 343.665, бројот на оздравени пациенти е 333.824, на починати е 9.553, а бројот на активни случаи изнесува 288.