fbpx

Приватните специјализанти бараат писмена гаранција дека ќе добијат регулиран работен однос

Нашиот штрајк продолжува сè додека не добиеме писмена официјална изјава или гаранција дека нашите барања ќе бидат исполнети“, изјави д-р Илиоска-Чешлароска, приватен специјализант по интерна медицина

-

Приватните специјализанти од денеска нема да одат на работа додека не добијат гаранција дека ќе бидат исполнети нивнте барања за повисоки плати и регулирање на работниот однос. Тие денеска започнаа со штрајк, за кој најавија дека ќе продолжи ако не добијаат писмени гаранции дека барањата ќе им бидат исполнети.

Специјализантите штрајкуваа и пред две недели пред Министерството за здравство, но велат дека оттогаш, нема придвижување на работите кон подобро. Тие денеска побараа да добијат писмена гаранција дека нивните барања за покачување на месечниот надоместок, плаќање здравствено осигурување и решавање на нивниот статус, ќе бидат исполнети.

Д-р Христина Илиоска-Чешлароска кажа дека на овој чекор се одлучиле бидејќи Министерството за здравство немало слух за решавање на нивните проблеми.

„Добивме повик од претставник на министерството дека денеска во 14 часот ќе се одржи средба во Владата, меѓутоа немаме информација кој сè ќе присуствува на неа и дали ќе бидат прифатени нашите барања. Затоа нашиот штрајк продолжува сè додека не добиеме писмена официјална изјава или гаранција дека нашите барања ќе бидат исполнети“, изјави д-р Илиоска-Чешлароска, приватен специјализант по интерна медицина.

„Наша борба, ваше здравје“, „Плати скромни, трошоци огромни“, „Ние не сакаме да си одиме, вие нè бркате“. Ова беа само некои од транспарентите со кои на 27 март неколку стотици лекари специјализанти, побараа повисоки плати и регулиран работен однос, кои штрајкуваа пред зградата на Министерството за здравство.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Професионални спортисти од девет земји гости на спортските игри во Велес

Од 4 до 8 јуни, Велес ќе биде домаќин на третиот по ред спортски настан „Спортски игри Велес“, кој ќе се одржи во Градскиот парк. Покрај спортисти од Македонија,...