Министерот за внатрешни работи на Хрватска, Влахо Орепиќ, денеска изјавил дека во моментов во бегалскиот камп во Славонски Брод се наоѓаат 408 лица и дека во тек е постапка за нивно враќање во Грција, јавуваат медиумите.
Орепиќ, на заедничката прес-конференција со хрватскиот премиер Тихомир Орешковиќ, по повод построгите правила за пропуштање мигранти и бегалци, рекол дека поради новите околности најверојатно ќе има обиди за илегален влез на мигранти во Хрватска, но дека таквото сценарио е земено предвид и се предвидени мерки за тоа.
Премиерот Орешковиќ додал дека Хрватска секојдневно е во контакт со државите на балканската рута, меѓу кои и Србија и Македонија, и дека ја следи состојбата на терен.
