Еврокомесарот за проширување и за соседска политика, Јоханес Хан, оцени дека ова е клучен момент за решавање на политичката криза во Македонија. Тој на својот твитер-профил напиша:
„На пат кон поранешна југословенска Република Македонија. Клучен момент за лидерите да се согласат за излез од политичката криза“.
“On my way to former Yugoslav Republic of #Macedonia: #Crucial #moment for leaders to agree on way out of political crisis”.
— Johannes Hahn (@JHahnEU) July 13, 2015
Хан доаѓа во придружба на тројцата европратеници, Ричард Ховит, Едвард Кукан и Иво Вајгел, а целта на посетата е заживување на преговорите. Засега не се знае каков ќе биде форматот на средбите, но како што соопшти портапролката на Хан, Маја Коцијанчич, крајната цел е јасна.
