Бројот на загинатите во земјотресот во Еквадор се зголеми на 507 лица, соопштија синоќа еквадорските власти.
Меѓу загинатите има и 11 странци.
Како што јавуваат локалните медиуми, досега се идентификувани 499 жртви. Нивните тела им се предадени на семејствата.
Земјотресот со интензитет од 7,8 степени според Рихтеровата скала, во неделата ја погоди јужноамериканската држава Еквадор. Досега штетите се проценуваат на милијарди долари.
