Српскиот претседател Томислав Николиќ изјави дека Србија сака да стане дел од ЕУ, но бара Брисел да не го условува нејзиното членство со признавање на независноста на Косово.
– Нема да бидеме членка на каква било унија што ќе бара нешто такво од нас. Благодарен сум им на сите држави што не го признаа Косово – рече Николиќ.
Српскиот претседател рече дека без разлика на тоа дали нему му се допаѓа ЕУ каква што е, сепак, според него, во моментов „подобра Европа нема“.
Николиќ, сепак, не е оптимист дека земјите членки на ЕУ ќе постигнат консензус за членството на Србија во Унијата, но додаде дека ним не им останува ништо друго освен да преговараат.
