Две масовни гробници се откриени во западниот ирачки град Рамади, соопшти ирачката полиција, додавајќи дека во нив има околу 40 тела на жртви на Исламска држава (ИД).
Како што соопшти претставник на ирачката полиција, гробниците се наоѓаат на фудбалски стадион во Рамади, кој е административен центар на провинцијата Анбар. Лицата, меѓу кои има жени и деца, се убиени во периодот кога ИД имала контрола врз градот.
ИД во мај минатата година ја презеде контролата над Рамади, кој остана во рацете на исламистите сè до декември минатата година, кога ирачките власти го ослободија.
