Тетовската полиција вчера привела две лица кои со судски наредби се барале за издржување затворска казна.
Како што информираат оттаму, во едниот случај, станува збор за К.М. (32) од Тетово, кој се барал за издржување казна затвор до 6 и пол години за кривично дело неовластено производство и пуштање во промет на наркотични дроги, психотропни супстанци и прекурсори.
Полициските екипи, вчера по судски налог го уапсиле и Л.А. (32) од тетовското село Пршовце, кој требало да издржува едногодишна затворска казна поради недозволено изработување, држење и тргување со оружје или распраскувачки материи.
Двајцата биле спроведени во затворот „Идризово“ во Скопје.