fbpx

ДЕМАНТ: При пречек на странски државници секогаш се интонираат кратките инструментални верзии на химните

-

Владата на Република Северна Македонија најостро ги демантира дезинформациите дека намерно се изоставени одредени делови односно стихови од химната на Северна Македонија за време на посетата на бугарскиот премиер, Кирил Петков.

Од Владата велат дека, согласно воениот и државен протокол, при пречек на странските државници на највисоко ниво секогаш и без исклучок Воениот оркестар на АРМ интонира инструментални кратки верзии на државните химни, а никогаш не се изведуваат верзии на химните во целост и со стихови и вокали.

„Оттука, дезинформација е дека химната односно стихови од химната биле скратени од било кои причини специфично за оваа посета“, потенцираат од Владата.

Велат оти е дезинформација дека кој било стих од химната бил скратен бидејќи стихови воопшто не се изведуваат при вакви церемонии.

„Ова е востановена пракса во протоколите за пречек, како во Северна Македонија така и во светски рамки“, велат од Владата.

Посочуваат дека тоа лесно може да се утврди и со прегледување на снимките на сите претходни пречеци на државници на највисоко ниво кои ја посетувале Република Северна Македонија достапни на Јутуб каналот на Владата.

Владата бара медиумите и порталите кои ги објавија неточните информации во целост да го објават овој демант и да ја повлечат изнесената дезинформација.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ЕУ воведе санкции кон Русија поради смртта на Навални

Вчера Европската Унија одговори на смртта на рускиот опозиционер Алексеј Навални со нови санкции, јавува ДПА повикувајќи се на дипломатски извори. Санкциите претходно ги најави шефицата на германската дипломатија Аналена...