fbpx

Британско разузнавање: Украина навлезе во првата линија на руската одбрана во некои области

Во меѓувреме, продолжуваат руските напади врз Украина. Тројца цивили се убиени, а најмалку 27 ранети во синоќешниот напад со руско беспилотно летало врз Одеса

-

„Значајни“ украински операции во неколку места во источна и јужна Украина се случиле во изминатите 48 часа, се вели во најновиот разузнавачки извештај на Министерството за одбрана на Обединетото Кралство пренесен од „Гардијан“.

„Во некои области украинските сили веројатно постигнале добар напредок и навлегле во првата линија на руската одбрана. Во други, украинскиот напредок е побавен“, се вели во извештајот на британското Министерство за одбрана.

Во извештајот се додава и дека руските перформанси се „измешани“, при што се вели:

„Некои единици најверојатно спроведуваат веродостојни маневарски одбранбени операции, додека други се повлекле во одредено нарушување, во услови на зголемени извештаи за руски жртви додека се повлекуваат низ своите мински полиња“.

Британското разузнавање додава и дека руските воздухопловни сили биле невообичаено активни над јужна Украина, каде воздушниот простор е попопустлив за Русија отколку во другите делови на земјата.

Во меѓувреме, продолжуваат руските напади врз Украина.

Тројца цивили се убиени, а најмалку 27 ранети во синоќешниот напад со руско беспилотно летало врз Одеса, објави Укринформ, повикувајќи се на Украинската оперативна команда Југ.

„За време на напад со беспилотно летало во текот на ноќта врз регионот Одеса, силите за воздушна одбрана ги уништија сите Шахед-131/136. Како резултат на воздушната битка, фрагменти од едно беспилотно летало погодиле стан во станбена зграда, предизвикувајќи пожар“, се вели во извештајот.

Службите за итни случаи соопштија дека 27 лица, меѓу кои и три деца, се ранети, а пожарот бил изгаснат за брзо, пишува „Гардијан“.

Според Укринформ, руските сили синоќа извршиле ракетен напад врз Мирхород во регионот Полтава, при што била оштетена опрема и инфраструктура – неколку куќи и четири автомобили.

Врховниот офицер за помош на Обединетите Нации (ОН), Мартин Грифитс, предупреди дека по уништувањето на браната Каховка, Украина се соочува со „многу полоша“ хуманитарна ситуација од претходно, јави „Гардијан“.

Грифитс вели дека станува збор за „вирусен проблем“ и дека ова е само почеток на согледување на последиците од рушењето на браната.

Работејќи главно преку украинските хуманитарни групи, ОН стигнале до 30.000 луѓе во поплавените подрачја под украинска контрола. Грифитс рече дека се сретнал со рускиот амбасадор во ОН за пристап до областите контролирани од Русија со цел да им помогне на жртвите од поплавите.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Носталгија по диктатори: Хусеин, Гадафи и Асад

Чест наратив на Кремљ е дека ирачкиот лидер Хусеин, либискиот Гадафи и сирискиот Асад биле големи патриоти и имале добри социјални политики, но дека биле жртви на американскиот империјализам,...