fbpx

Антикорупциска: Со субвенциите за велосипеди и клима уреди не е прекршен Изборниот законик

-

Државната комисија за спречување корупција (ДКСК) на денешната седница одби 8 од 9 приговори поднесени од ВМРО-ДПМНЕ, за прекршување на Изборниот законик и Законот за спречување на корупција.

За приговорот во однос на злоупотреба на имот во сопственост на Општина Шуто Оризари за одржување прес-конференција од страна на претседателскиот кандидат Стево Пендаровски, ДКСК побара дополнителни информации од локалната самоуправа за сопственоста на објектот. Претставниците на општината на седницата рекоа дека салата во која е одржана прес-конференцијата не е во сопственост на Општината.

Два од приговорите се однесуваат на распишаните јавни огласи од град Скопје за субвенционирање на велосипеди и клима уреди. Според опозициската партија јавните повици се објавени по распишување на изборите и се финансираат со буџетски средства со што е прекршен членот 8 од Изборниот законик.

Според градоначалникот на Град Скопје кој присуствуваше на денешната седница, субвенциите се објавени како дел од програмата за заштита на животната средина и дека досега не е исплатен ниту денар. Сепак, предметот не е затворен и Антикорупциска писмено ќе се побара од надлежниот јавен обвинител во рок од 30 дена да ја извести комисијата за преземените активности, од аспект на доброто управување.

Беа одбиени и приговорите за објавен оглас за вработување на 116 сезонски работници од страна на АД „Водостопанство“, за реконструкција на дел од ул. „Јуриј Гагарин“ во Општина Карпош. Истото се случи и со приговорот за доделување 150 пакети со храна и основни животни намирници на семејства со висок социјален ризик од страна на Општина Центар, што од администрацијата на општината рекоа дека се работи за заедничка активност со невладина организација, а средствата биле донација а не пари од општинскиот буџет. Одбиен е и приговорот за владиниот повик за финансиска поддршка на Здруженија и фондации за нивните програмски активности, во износ од 12 милиони денари. Образложението е и дека постапката е ставена во мирување до завршување на изборите.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Полицаец од Крушево исфрлил во ѓубре доверливи документи

Полициски службеник од Крушево исфрлил во ѓубре службени материјали сместени во картонски кутии, а меѓу кои имало и документи со одреден степен на класификација, соопшти Министерството за внатрешни работи...