Организацијата на жени од Струмица соопшти дека направила „пост-осмомартовска“ урбана акција во за унапредување на правата на жените.
Акцијата, извршена во соработка со Центар за современа уметност од Скопје, вклучува секакви натписи и инсталации.
На пример, на градска чешма ставиле плакат на кој пишува дека „доколку се напиете од оваа волшебна вода, ќе си го просветлите мислењто за борбата за женските права“.
Друга инсталација вклучува голема „скулптура“ од знакот за женскиот род, кабел за струја и натпис на кој пишува „Кој и зошто ги исклучува жените од процесите на одлучување?“.
„Пораките имаат за цел да ги поттикнат и локалните власти да преземат мерки за унапредување на родовата еднаквост, преку поголема вклученост на жените, девојките и граѓанските организации кои работат во областа на женските права во процесите на развој на локалните политики и во процесите на одлучување“, велат од организацијата.
