Излезноста на избирачките места ширум земјава на половина час пред да заврши изборниот процес била 53,36 отсто за парламентарните и 46,34 отсто за претседателските избори, покажуваат официјалните податоци достапни на интернет-страницата на Државната изборна комисија (ДИК).
Ова значи дека одѕивот за парламентарните избори бил поголем за 7 отсто во однос на претседателските.
Според податоците, од обработени 3.196 избирачки места, до 18 часот и 30 минути на парламентарните избори гласале 894.731 лице со право на глас, додека на претседателските ова право го оствариле 771.794 граѓани.
За споредба, излезноста до 18:30 часот во првиот круг од претседателските избори што се одржа на 24 април изнесуваше 48,47 отсто, односно тогаш гласале 801.645 лица.
