fbpx

Словенечкиот премиер е надвор од животна опасност, но останува на интензивна нега

„Можеме да ја сметаме неговата состојба за стабилна со позитивна прогноза“, додаде Калинак пред болницата каде што се лекува Фицо.

-

Словачкиот премиер Роберт Фицо веќе не е во животна опасност, но останува на интензивна нега четири дена откако беше застрелан од вооружен маж, изјави заменик-премиерот на земјата, а пишува Гардијан.

„Неговата состојба и понатаму е сериозна и му треба интензивна нега“, им рече на новинарите Роберт Калинак, најблискиот политички сојузник на Фицо.

„Можеме да ја сметаме неговата состојба за стабилна со позитивна прогноза“, додаде Калинак пред болницата каде што се лекува Фицо.

Тој исто така изјави дека Фицо засега ќе остане во болницата во Банска Бистрица, бидејќи состојбата е сè уште премногу сериозна за да може премиерот да биде префрлен во болница во главниот град Братислава.

Фицо беше застрелан во средата по состанокот на владата во градот Хандлова.

Калинак претходно изјави дека Фицо се здобил со четири прострелни рани, две лесни, една умерена и една тешка.

Фицо во средата имаше петчасовна операција, а во петокот следеше втора операција.

Осомничениот вооружен напаѓач, идентификуван од словачките медиуми како 71-годишниот поранешен чувар, Јурај Цинтула, е обвинет за обид за убиство со умисла и во саботата беше ставен во притвор од специјалниот кривичен суд.

Специјализираниот кривичен суд на Словачка нареди притвор на осомничениот откако обвинителите рекоа дека стравуваат дека тој може да побегне или да изврши дополнителни злосторства, рече портпаролот на судот.

ИзворThe Guardian

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Избран новиот владин кабинет, Мицкоски рече дека мора да ја користи „срамната придавка Северна“

Собранието на Република Северна Македонија, со 77 гласа „за“ и 22 „против“, ја избра новата Влада, чиј состав го предложи новоизбраниот премиер Христијан Мицкоски. Против Владата гласаа пратениците од...