Од обработените 50 отсто од резултатите на вториот круг претседателски избори и од парламентарните избори, може да се заклучи дека досегашната владејачка СДСМ доживува катастрофален пораз.
Кандидатката за претседател поддржана од ВМРО-ДПМНЕ, Гордана Сиљановска Давкова, според обработените 50 проценти од избирачки места, има 235.552 гласови (63,42%), додека кандидатот поддржан од СДСМ, Стево Пендаровски има 111.703 гласови (30,07%). Пендаровски има водство единствено во Крушево, Чашка, Студеничани, Липково, Арачиново, Теарце, Желино, Врапчиште, Боговиње и Дебар.
На парламентарните избори, само во шестата Изборна единица во водство е коалицијата „Европски фронт“ предводена од ДУИ. Во сите останати пет изборни единици во големо водство е коалицијата „Твоја Македонија“ предводена од ВМРО-ДПМНЕ.
Коалицијата „За европска иднина“ предводена од СДСМ има 58.198 или 12,99% од гласовите, додека „Твоја Македонија“ има 172.592 или 38,52% од гласовите.
Коалицијата „Европски фронт“ има 80.398 гласови (17,94%), додека коалицијата ВЛЕН има 66.914 гласови што е 14,93% од обработените гласачки места.
Левица има 28.426 гласови (6,34%), додека движењето ЗНАМ 20.778 или 4,64% од обработените гласачки места.
