Британската премиерка Тереза Меј денеска соопшти дека официјален Лондон не планира да ги прекине врските со европските разузнавачки служби, туку дека планираат и понатаму да разменуваат информации.
– Откако ќе излеземе од ЕУ, ќе одржуваме тесни контакти со нашите европски сојузници по линијата на надворешната политика, како и во областа на борбата против криминалот и тероризмот. Со оглед на тоа дека заканите за нашата безбедност стануваат сè посериозни, ние не треба да ја ограничуваме соработката, ниту заедничката работа со други земји – рече Меј.
Според британската премиерка, за да се гарантира безбедноста на континентот, потребно е да се одржува мирот и стабилноста на Балканот, да се зајакнат надворешни граници на ЕУ и да се применуваат санкциите против Русија и нејзините активности на Кримскиот Полуостров.
