fbpx

Австралија бара поголема соработка со земјите од Југоисточна Азија против заканите од ИД

-

Австралија ќе им понуди поголема помош на земјите од Југоисточна Азија за спречување на можни терористички напади во тој регион, јавуваат светските медиуми. Безбедносните прашања ќе бидат тема на дискусија меѓу австралискиот премиер Малком Трнбул и другите лидери на Азискиот самит, кој се одржува во Лаос.

Трнбул веќе навести дека неговата намера е да ја прошири соработката на Австралија со Индонезија, Малезија и со другите соседни земји, во борбата против терористичките закани.

Ваквата иницијатива, како што пишува „Би-би-си“, доаѓа по заканите на Исламска држава (ИД) за напади во Сиднеј и во Мелбурн.

Австралискиот премиер изјави дека ваквите закани треба да се сфатат сериозно, особено по тешките загуби што ИД ги трпи на боиштата во Ирак и во Сирија.

„Како што се повлекуваат и ја губат територијата, терористичките активности ќе се префрлат надвор од регионот на Блискиот Исток… Мораме да бидеме подготвени за акциите на лица, индивидуалци кои од различни причини, можат да бидат радикализирани“, изјавил Трнбул.

Австралиската влада презема мерки за спречување на активностите на странските борци, кои би можело да бидат регрутирани од Југоисточна Азија и од Австралија и бара поголема размена на разузнавачки информации.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

(РЕПОРТАЖА) Надежите на СДСМ испарија во сауната на ВМРО-ДПМНЕ

„Овде е стравотно топло, како во сауна е“, рече професорката Гордана Сиљановска-Давкова на прес-конференцијата во централниот штаб на ВМРО-ДПМНЕ, барајќи марамче да се избрише, пред да ја прогласи победата...