Најмалку 17 луѓе загинале во две експлозии што денеска одекнале во главниот град на Либан, Бејрут, јавува „Би-Би-Си“, повикувајќи се на извори од безбедносните служби.
Експлозиите се случиле во предградието Бурџ ел-Барајнех, во јужниот дел на Бејрут, кое важи за упориште на шиитското движење Хезболах.
Според локалните медиуми, експлозиите, во кои има голем број повредени, ги предизвикале двајца бомбаши-самоубијци.
Како што пренесува „Би-Би-Си“, поради конфликтот во Сирија безбедносната состојба во Либан е влошена, а јужниот дел на Бејрут и предходно беше цел на напади од сунитски милитанти групи.
Хезболах ги поддржува и се бори на страната на силите лојални на сирискиот претседател, Башар ал-Асад, додека либанските муслимани сунити ја поддржуваат сириската опозиција.
