Две лица загинаа, а најмалку 10 се повредени во руски напад со дронови врз вториот по големина град во Украина, Харкив, соопштија утрово националните служби за итни случаи и градоначалникот на градот Игор Терехов, а пренесе Гардијан.
Терехов на Телеграм напиша дека цел на нападот бил Шевченкивски – северна област на градот. Нападот бил извршен со беспилотни летала од Иран, кои погодиле најмалку девет високи згради, три студентски домови и една бензинска пумпа.
Фотографии објавени од украинската полиција на Телеграм покажуваат неколку пожари, вклучително и пожар во висококатница.
