Вчеравечер, околу во 18.40 часот, во Центарот за известување и командување Скопје (ЦИК) од итната медицинска помош било пријавено дека на улицата Лондонска, пред трговскиот центар „Олимпико“, имало лице кое лежело на земја со убодна рана, информираат од полицијата.
По преземените мерки, полицијата утврдила дека станува збор за К.А. (37) од скопското село Крушопек, кој бил прободен со нож во тепачка со три лица, на која ѝ предходела вербална расправија.
Полицијата ги привела осомничените и, како што информираат оттаму, еден од нив се пожалил на повреди и бил задржан на лекување во Специјалната болница за хируршки болести „Свети Наум Охридски“, додека со останатите двајца бил извршен разговор.
По целосното расчистување и документирање на случајот, против лицата ќе биде поднесена соодветна пријава.