Шеесет и три загинати и десетици исчезнати е последниот биланс од земјотресот со интензитет од 6,2 степени според Рихтеровата скала, што утринава ја погоди Италија, соопшти италијанската Агенција за цивилна заштита.
Италијанските медиуми наведуваат дека 35 лица загинале во Аматриче, 11 во Акумоли и неколкумина во провинцијата Асколи Пичено.
Спасувачките тимови сè уште трагаат по евентуално преживеани, а не се исклучува можноста бројот на жртвите да се зголеми.
Градоначалникот на Аматриче, Серџо Пироци, соопшти дека половина град целосно е разурнат и оти под урнатините сè уште има преживеани. Тој истакна дека спасувачките тимови се обидуваат да стасаат до 69 селца, во близина на градот.
Rescuers hunt for 150 buried under rubble after #ItalyEarthquake https://t.co/2eOtOV8ZUO pic.twitter.com/LldmaVhxO0
— Daily Mail Online (@MailOnline) August 24, 2016
