Зоран Заев, Радмила Шекеринска и Оливер Спасовски денеска се сретнаа со европратениците Иво Вајгел, Ричард Ховит и Едвард Кукан.
Како што соопштија од СДСМ, Заев рекол дека оцената на меѓународната заедница, на ЕУ и на САД, дека нема услови за регуларни, веродостојни избори на 24 април е потврда на фактичката состојба, на вистината.
„Јасно е дека фер избори на 24 април не може да има. За да се создадат услови за веродостојни избори, мора да се прочисти избирачкиот список и да се спроведе реформа во медиумите. Победникот на изборите мора да има полн и чист легитимитет за да се надмине кризата, да се обезбеди стабилноста на државата, но и за Македонија да тргне напред по европскиот пат“, рече Заев.
Европратениците ги информирале членовите на СДСМ дека Комитетот за надворешни работи на Европскиот парламент, за шест дена го одложи гласањето за резолуцијата за Македонија, којашто требаше да содржи препорака до Европскиот совет за отворање на преговорите со ЕУ.