Социјалдемократскиот сојуз ќе направи сè за да успее Договорот од Пржино и за да не ја изгубиме препораката од Европската унија, изјава денеска лидерот на СДСМ, Зоран Заев, пред почетокот на една од дебатите од проектот „Визијата за Македонија“.
Тој рече дека СДСМ останува целосно посветен на договорот и на исполнувањето на обврските што се предвидени со него.
– Имаме само неколку дена за да се договориме и за да не ја изгубиме препораката од ЕУ. Работите најмногу кочат кај законот за Влада, надлежностите на министрите и на замениците-министри. Целосно сме посветени, кооперативни и флексибилни – изјави Заев.
Одговрајќи на новинарско прашање, тој рече дека не верува дека постои можност изборите да се одложат, туку дека искрено очекува дека договорот ќе се спроведе во целост.
За повиците за одбрана на државата и за излегување на барикади од луѓе блиски на власта, Заев рече дека тоа се само налудничави идеи на поединци.
