Спроведувањето на Договорот од Пржино и шансите за фер и слободни избори биле тема на средбата меѓу лидерот на СДСМ, Зоран Заев, и германската амбасадорка во земјава, Кристине Алтхаузер, одржана попладнево, соопшти СДСМ.
„Без прочистен избирачки список и без обезбедување механизми за професионално известување на медиумите, не се можни фер и демократски избори“, рекол Заев на средбата.
На средбата, како што стои во соопштението на СДСМ, била изразена согласнот дека следните избори во Македонија мора да бидат слободни и фер, бидејќи тоа ја дефинира иднината на граѓаните и на државата.
„Претседателот Заев информираше и за скандалот со злупотребата на незаконски лични карти од страна на власта во изборни цели, што е силен аргумент дека се потребни цврсти гаранции од институциите и, пред сè, од Државната изборна комисија дека граѓаните на следните избори ќе гласаат според доверлив избирачки список“, се додава во соопштението на СДСМ.
