Републичката изборна комисија денеска прифати уште три кандидатури за претседателските избори во Србија, меѓу кои е и кандидатурата на лидерот на Лигата на социјалдемократите на Војводина, Ненад Чанак.
Бројот на кандидатите што ќе се пресметаат на изборите на 2 април со тоа се зголеми на 10, а меѓу нив се лидерот на Српската напредна партија и актуелен премиер, Александар Вучиќ, двајца опозициски кандидати кои ги кандидираа групи граѓани, поранешниот омбудсман, Саша Јанковиќ, и поранешниот шеф на дипломатијата, Вук Јеремиќ.
Помеѓу прифатените кандидатури се и лидерот на Српската радикална партија, Воислав Шешељ, претседателот на движењето „Двери“, Бошко Обрадовиќ, претседателот на движењето „Доста е“, Саша Радуловиќ, и кандидатот на Демократската партија на Србија, Александар Поповиќ.