Во поплави во Индија, предизвикани од обилни дождови, за една недела загинаа 71 лице, а војската помага за евакуација на загрозените жители.
Според пишувањата на медиумите, воените хеликоптери доставуваат храна и питка вода во областите кои се најтешко погодени од природната непогода, а дел од училиштатата на југот на Индија не работат.
Премиерката на државата Тамил Наду, Џајалита Џајарам, рекла дека владата работи деноноќно за да им помогне на загрозените и дека за отстранување на последиците од поплавите ќе бидат доделени 75 милиони долари помош.
Индиската метеоролошка служба предупреди дека и денеска ќе има обилни врнежи на дожд, со што се зголемува можноста за повторни поплави.
