Претседателот на НДП, Весел Мемеди, денеска на прес-конференција обвини дека по иницијатива на поранешниот претседател на неговата партија, Руфи Османи, неколку члена од централното претседателство фалсификувале потписи кои потоа ги искористиле за иницирање петиција за негова смена.
– Оваа група од четири-пет луѓе манипулираа со потписите на собранието на нашата партија, за разрешување на претседателот на партијата. Тоа се фалификувани потписи. Оваа игра е игра на пет лица, иницирана од поранешниот претседател на НДП и на крај тој се повлекува од оваа игра, кога сфаќа дека Весел Мемеди е многу сериозен и дека во ниту еден момент нема да дозволи никој да манипулира во име на НДП – вели Мемеди.
Мемеди истакна дека тој и понатаму е легитимен престедател на НДП, сè до наредниот конгрес на партијата кога членовите ќе го кажат последниот збор.