Неколку жени го предводеа протестот на „Шарената револуција“ во Штип од зградата на Основниот суд преку центарот на градот, избегнувајќи блиска средба со демонстрантите од ГДОМ.
Извикувајќи „Оставка“, „Затвор за криминалците“, попатно демонстрантите од „Протестирам“ фрлаа бои, со што улиците на Штип беа обоени со боите на „Шарената револуција“.
Иако собирањето на приврзаниците на ГДОМ беше најавено за еден час подоцна од протестот на демонстрантите на „Протестирам“, поворката тргна половина час порано, што создаде дополнителна работа за полиција, која се најде меѓу двете групи демонстранти. Сепак, протестите поминаа мирно и без инциденти.
Ова беше четврти протест, преку кој штипјани го изразија револтот од одлуката за аболиција од претседетелот Ѓорѓе Иванов.