Пожарот кај Штип е целосно изгаснат, соопшти утрово Центарот за управување со кризи (ЦУК).
Пожарот што избувна вчеравечер помеѓу штипскиот затвор и селото Драгоево ноќеска бил локализиран и ставен под контрола, но утрово во 8 часот и 30 минути повторно се активирал и почнал да се шири кон селото.
Пламенот зафатил површина од 130 до 150 хектари, информираше ЦУК.
Ноќеска околу полноќ бил локализиран и пожарот кој вчера доцна попладне избувна и беснееше кај Липковско, на линијата од селата Слупчане – Ваксинце во насока на Алачевце.
Директорот на ЦУК, Стојанче Ангелов, информираше дека во текот на вчерашниот ден имало вкупно 29 пожари на отворен простор. Сите се изгаснати и во моментов нема активни пожари на отворено.
