fbpx

Гореле диви депонии во Желино и Боговиње

Пожари имало на депониите во атарот на селото Церово во Желино и во селото Боговиње

-

Две диви депонии синоќа гореле во Полошкиот регион. Според информациите од Центарот за управување со кризи се случиле два пожари на отворен простор во последното деноноќие, во атарот на селото Церово во Општина Желино и на дивата депонија над расторанот „Дарданија“ во селото Боговиње во Општината Боговиње. Според информациите од ЦУК, двата пожари се локализирани, а во гаснењето учествувале пожарникари со противпожарни возила и ренџери од Наионалниот парк „Шар Планина“.

Од ЦУК денеска апелираат и за внимателност заради најавените метеоролошки промени со дожд, ветер и снег на повисоките места. Заради нестабилното време и најавите за пообилни дождови со ветер е неопходно да се чисти локалните одводни канали, не се фрлаат отпадоци во нив, за да не предизвикаат поплави.

ЦУК апелира да се внимава и на градилиштата и да се обезбедат сите предмети кои при силен ветер можат да бидат опасност за луѓето коишто се во околината.

„Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации. Истовремено, ЦУК информира дека е потребно и е корисно да се следат препораките и информациите од медиумите за превенција, а и за реагирање при итни случаи“, информираат од ЦУК.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Град Скопје: Фирма без соодветни документи и дозвола монтира панорамско тркало пред „Борис Трајковски“

Фирма регистрирана пред само еден месец, без соодветни дозволи и документи кои гарантираат безбедност, монтира панорамско тркало и други реквизити во Општина Карпош пред арената „Борис Трајковски“, обвинува Град...