Граѓанската иницијатива „Протестирам“ денеска со шарени балони ги изненади граѓаните што се собраа на протест пред просториите на Специјалното јавно обвинителство во 18 часот.
Активистите на „Шарената револуција“ донесоа балони, кои им ги поделија на насобраните демонстранти. На балоните се закачени фотографии од лидерот на ВМРО-ДПМНЕ, Никола Груевски, а една од нив беше запалена.
Шарени балони на протестот пред #СЈО #протестирам #п #шаренареволуција pic.twitter.com/6CLHgF14v1
— META.mk (@meta_agency) May 6, 2016
На протестот има и автомобил во боите на „Шарената револуција“, од кој се слушаат револуционерни песни.
Тема на денешниот протест е корумпираноста на институциите, а граѓаните од СЈО се упатија кон Собранието.
Таму, балоните на кои беа закачени и фотографии со аболираните лица од претседателот Ѓорге Иванов беа пуштени да летнат во воздух.
Шарените балони со ликовите на аболираните беа пуштени во воздух #протестирам pic.twitter.com/T7hkBzcxIn
— META.mk (@meta_agency) May 6, 2016