Почна пријавувањето на учесниците за третата трка „Прв до врв“, која на 24 мај треба да се случи на Водно, информираат организаторите, Здружението за спорт и рекреација „Прв до врв“.
Традиционалната трка за најбрзо искачување на скопската планина и оваа година ќе се реализира во категориите планинско трчање, друмски велосипедизам и планински велосипедизам, секоја во машка и во женска конкуренција. За оваа година, бројката од 3.000 пријавени учесници од ланското издание на настанот, се очекува да биде надмината.
Во трката „Прв до врв“ ќе се приклучат и атлетите на Специјална олимпијада Македонија, кои со помош на сите учесници ќе се искачуваат до врвот на Водно и воедно ќе имаат кондициски подготовки за Олимпијадата ова лето во САД.
