Десетици граѓани денеска го искористија убавото време за да се прошетаат на првиот снег и да дишат чист воздух на најблиската планина до главниот град, Водно.
На средно Водно има околу 10 сантиметри снег, а кон врвот снежната покривка е поголема.
На Водно работи и жичарницата, која посетителите ја користат за да стасаат до врвот Крстовар и да уживаат во убавото време.
Инаку, поради снежните наноси од синоќа, откако снемало електрична енергија во жичарницата, неколкумина граѓани биле заглавени во една од гондолите, но подоцна, со интервенција на службеници во Министерството за внатрешни работи, тие биле безбедно пренесени до долу.
